Hey Kölle, do be e Jeföhl
Höhner: Hey Kölle, do be e Jeföhl, Karnevalslied mit Liedtext und Video zum Reinhören.
Höhner, Kölsche Mundart- und Karnevalsmusik - Homepage: www.hoehner.com - Text: Fröhlich/Werner-Jates/Willizil/Krautmacher/Schöner - Musik: Kissmer/Lischka/ Fröhlich/Werner-Jates/Willizil/Krautmacher/Schöner - Verlag: Vogelsang Musik
Liedtext
Refrain:
Hey Kölle - do ming Stadt am Rhing,
he, wo ich jroß jewode ben.
Do bes en Stadt met Hätz un Siel.
Hey Kölle, do bes e Jeföl!
Ich han die Städte der Welt jesin,
ich wor in Rio, in New York un Berlin!
Se sin op ihre Aat jot un schön,
doch wenn ich ierhlich ben, do trick mich nix hin!
Ich bruch minge Dom, dä Rhing - minge Strom -
un die Hüsjer bunt om Aldermaat!
Ich bruch dä F. C., un die Minsche he,
un die jode, echte kölsche Aat!
Refrain: Hey Kölle - do ming Stadt am Rhing ...
Do häss em Kreech fas' mem Levve bezahlt,
doch se han dich widder opjestallt.
Die Zick, die määt och för dir nit halt,
hück häste Ecke, die sin jrau un kalt!
Do weed römjebaut un vell versaut,
un trotzdem eines, dat es jeweß:
Dat dä ärjer vun hück - un dat jeiht flöck -
die jode ahle Zick vun murje es!
Refrain: Hey Kölle - do ming Stadt am Rhing ... (2x)
Ich blieve he, wat och passeet!
Wo ich die Lück verstonn,
wo ich verstande weed!
Hey, hey, hey!
Refrain: Hey Kölle - do ming Stadt am Rhing ... (2x)
Hinweis: Meine Humor-Seiten sollten nicht so ganz ernst genommen werden. Sie haben nicht zum Ziel, irgendjemanden zu beleidigen, gegen bestimmte Personengruppen aufzuhetzen oder zu einer politischen Meinungsbildung beizutragen. Soweit mir bekannt ist, sind alle diese Texte und Grafiken frei verfügbar. Leider ist nicht immer zu erkennen, wo die Werke ihren Ursprung haben. Sollte ich durch die Benutzung irgendwelcher Texte oder Grafiken gegen geltende Copyrightrechte verstoßen, so bitte ich, mir dies per Mail mitzuteilen, ich werde die betreffende Datei natürlich sofort entfernen.