Jlöck mem Wedder (Liedtext und Video)
Kommando MundArt: Jlöck mem Wedder, Karnevalslied mit Liedtext und Video zum Reinhören.
Kommando MundArt, Kölscher Kaschemme-Folk - Homepage: kommando-mundart.jimdofree.com - Text und Musik: Michael Andreas Moritz - Verlag: Dabbelju Music
Liedtext
Mir sechs, mir wollte wandere, dä Rucksack woodt jepack,
E Röggelche un Räucherwoosch kom flöck en unsre Sack.
En aller Herrjoddsfröh do troke mir dann loss met Schwung
un bei der eetste Steigung brannte uns dann ald de Lung.
Op eimol kome Wolke op un och ene fiese Wind,
do rannte mir jeschwind en et nöchste Weedshuus erin.
Koot dodrop, do fing et dann och ald ze rähne aan.
Do freute mir uns, dat mer widder Jlöck mem Wedder han!
Refrain: Wann et Kölsch rähne deit,
un wie us Pittermänncher trief,
dann bedde mer dä Herrjodd,
dat et Wedder esu bliev.
B-Refrain: Wann et kei Kölsch rähne deit,
nit wie us Pittermänncher schödd,
dann bedde mer dä Herrjodd,
dat et besser Wedder jitt!
Mir sechs, mir wollte Fossball spille, ich packte ming Täsch
und et Poldi-Trikot kom och jrad fresch uss d'r Wäsch.
Ich han jespillt wie Overath, doch noh e Veedelstund,
do wor uns schrecklich drüch em Hals un uns jing ald de Pump.
Op eimol kome Wolke op un och ene fiese Wind,
do rannte mir jeschwind en et Vereinsheim eren.
Koot dodrop, do fing et dann och ald ze rääne aan.
Do freute mir uns, dat mer widder Jlöck mem Wedder han!
Wann et Kölsch rähne deit ...
Mir sechs, mir wollte Picknick maache, schön em jröne Flur.
Un jeder braht janz herrlisch Saache met en de Natur.
Doch et Sönnche brannte un et wood entsetzlich heiß,
dat einzije wat flüssig leef, wor literweise Schweiß.
Et kome keine Wolke op un keine köhle Wind,
un e Weedschaff wor och leider nirjendswo zo sinn.
Et fing och nit zo rähne aan, nä wat e Trauerspill!
Dat Wedder hüggzedags, dat mäht och einfach wat et will!
Wann et kei Kölsch rähne deit,...
Hinweis: Meine Humor-Seiten sollten nicht so ganz ernst genommen werden. Sie haben nicht zum Ziel, irgendjemanden zu beleidigen, gegen bestimmte Personengruppen aufzuhetzen oder zu einer politischen Meinungsbildung beizutragen. Soweit mir bekannt ist, sind alle diese Texte und Grafiken frei verfügbar. Leider ist nicht immer zu erkennen, wo die Werke ihren Ursprung haben. Sollte ich durch die Benutzung irgendwelcher Texte oder Grafiken gegen geltende Copyrightrechte verstoßen, so bitte ich, mir dies per Mail mitzuteilen, ich werde die betreffende Datei natürlich sofort entfernen.